1ܘܒܘܼܩܸܪܹܗ ܡܸܢܹܗ ܓܘܼܪܵܐ ܕܟܵܗܢܹ̈ܐ؛ ܕܐܸܢ ܐܲܢܹܐ ܗܲܕܟ̣ܵܐ ܝܢܵܐ. 2ܐܝܼܢܵܐ ܗ̇ܘ ܐَܡܸܪܹܗ؛ ܓܲܒܼܪܹ̈ܐ ܐܲܚܘܿܢ̈ܘܵܬܲܢ ܘܒܵܒܵـ̈ـܘܵܬܲܢ ܫܡܸܥܡܘܿܢ؛ ܐܲܠܵܗܵܐ ܕܬܸܫܒܘܿܚܬܵܐ ܦܸܫܠܹܗ ܚܸܙܝܵܐ ܠܒܵܒܲܢ ܐܲܒ̣ܪܵܗܵܡ؛ ܟܲܕ ܓܵܘ ܒܹܝܬ ܢܲܗܪ̈ܝܼܢ ܝܼܗَܘܵܐ؛ ܡܩܵܕَܡ ܕܐܵܬܹܗ ܘܥܵܡܸܪ ܓܵܘ ܚܵܪܵܢ. 3ܘܐَܡܸܪܹܗ ܐܸܠܹܗ؛ ܦܠܘܿܛ ܡ̣ܢ ܐܲܪܥܘܼܟ؛ ܘܡ̣ܢ ܠܟܸܣ ܚܸܙܡܵܢ̈ܘܼܟܼ؛ ܘܬܵܐ ܠܐܲܪܥܵܐ ܗ̇ܝ ܕܡܲܚܙܸܢܘܼܟ. 4ܗ̇ܝܓܵܗ ܦܠܸܛܠܹܗ ܐܲܒܼܪܵܗܵܡ ܡ̣ܢ ܐܲܪܥܵܐ ܕܟܲܠܕܵܝܹ̈ܐ؛ ܘܐَܬܹܐܠܹܗ ܘܥܡܸܪܹܐ ܓܵܘ ܚܵܪܵܢ؛ ܘܡ̣ܢ ܬܵܡܵܐ؛ ܒܵܬَܪ ܕܡܝܼܬܠܹܗ ܒܵܒܹܗ؛ ܫܘܼܢܹܐܠܹܗ ܐܲܠܵܗܵܐ ܐܸܠܹܗ ܠܐܵܗܵܐ ܐܲܪܥܵܐ؛ ܕܓܵܘܵܗ̇ ܒܸܥܡܵܪܵܐ ܝܬܘܿܢ ܐܸܕܝܘܿܡ ܝܵܘܡܵܐ. 5ܘܠܵܐ ܝܘܼܗَܒܼܸܠܹܗ ܐܸܠܹܗ ܝܵܪܬܘܼܬܵܐ ܓܵܘܵܗ̇؛ ܐܘܼܦ ܠܵܐ ܫܵܘܦܵܐ ܕܐܲܩܠܵܐ؛ ܘܩܘܼܘܸܠܹܗ ܕܝܵܗَܒܸܠ ܗَܘܵܐ ܠܵܗ̇ ܐܸܠܹܗ ܠܸܪܝܵܬܘܼܗ̇ ܐܸܠܹܗ ܘܠܙܲܪܥܹܗ؛ ܟܲܕ ܠܲܝܬ ܗَܘܵܐ ܠܹܗ ܒܪܘܿܢܵܐ. 6ܘܗܘܼܡܙܸܡܠܹܗ ܥܲܡܹܗ ܐܲܠܵܗܵܐ ܟܲܕ ܒܹܐܡܵܪܵܐ ܐܸܠܹܗ؛ ܕܒܸܬ ܗܵܘܹܐ ܗَܘܵܐ ܙܲܪܥܸܘܼܟܼ ܡܵܫܵܚܲܛ ܓܵܘ ܐܲܪܥܵܐ ܢܘܼܟ̣ܪܵܝܬܵܐ؛ ܘܒܸܬ ܙܲܒܛܸܢܝܼ ܠܹܗ؛ ܘܥܵܒ̣ܕܝܼ ܣܪܝܼܬܵܐ ܐܸܠܹܗ؛ ܐܲܪܒܲܥܡܵܐܐ ܫܸܢܹ̈ܐ. 7ܘܠܛܵܝܸܦܵܐ ܕܦܵܠܚܝܼ ܪܹܓܘܼܬܵܐ ܐܸܠܹܗ؛ ܒܸܬ ܕܵܝܢܸܢܹܗ ܐܵܢܵܐ؛ ܐܵܡܸܪ ܐܲܠܵܗܵܐ؛ ܘܡܒܵܬَܪ ܐܲܢܹܐ؛ ܒܸܬ ܦܵܠܛܝܼ ܘܒܸܬ ܦܵܠܚܝܼ ܐܸܠܝܼ ܒܐܵܗܵܐ ܐܲܬܪܵܐ. 8ܘܝܘܼܗَܒܼܸܠܹܗ ܐܸܠܹܗ ܕܝܵܬܹܩܹܐ ܕܓܙܘܼܪܬܵܐ؛ ܘܗܲܝܓܵܐ ܡܘܼܠܸܕܠܹܗ ܠܐܝܼܣܚܵܩ؛ ܘܓܙܸܪܹܗ ܒܝܵܘܡܵܐ ܕܬܡܵܢܝܵܐ؛ ܘܐܝܼܣܚܵܩ ܡܘܼܠܸܕܠܹܗ ܠܝܲܥܩܘܿܒ̣؛ ܘܝܲܥܩܘܿܒ̣ ܡܘܼܠܸܕܠܹܗ ܠܬܪܸܥܣܲܪ ܐܲܒܼܵـ̈ܗܵܬܲܢ. 9ܘܐܵܢܝܼ ܐܲܒܼܵـ̈ܗܵܬܲܢ ܒܘܼܚܸܠܗَܘܿܢ ܒܝܵܘܣܸܦ ܘܙܘܼܒܸܢܗَܘܿܢ ܐܸܠܹܗ ܠܡܸܨܪܹܝܢ. ܘܐܲܠܵܗܵܐ ܥܲܡܹܗ ܗَܘܵܐ. 10ܘܦܘܼܪܸܩܠܹܗ ܐܸܠܹܗ ܡ̣ܢ ܟܠܵܝܗܝ ܐܘܼܠܨܵܢܘܼ̈ܗܝ؛ ܘܝܘܼܗَܒܼܸܠܹܗ ܐܸܠܹܗ ܫܵܦܵܩܲܬ ܘܚܸܟܼܡܬܼܵܐ ܩܵܕَܡ ܦܸܪܥܘܿܢ ܡܲܠܟܵܐ ܕܡܸܨܪܹܝܢ؛ ܘܡܘܼܩܸܡܠܹܗ ܐܸܠܹܗ ܗܵܟܝܼܡ ܥܲܠ ܡܸܨܪܹܝܢ ܘܥܲܠ ܟܠܹܗ ܒܲܝܬܹܗ. 11ܘܗَܘܹܐܠܹܗ ܟܸܦܢܵܐ ܘܐܘܼܠܨܵܢܵܐ ܓܘܼܪܵܐ ܓܵܘ ܟܠܵܗ̇ ܐܲܪܥܵܐ ܕܡܸܨܪܹܝܢ ܘܟܢܲܥܢ؛ ܘܐܲܒ̣ܵـ̈ـܗܵܬܲܢ ܠܵܐ ܡܘܼܫَܟ̰ܸܚܠܗَܘܿܢ ܡܹܐܟܼܘܼܠܬܵܐ. 12ܘܟܲܕ ܫܡܸܥܠܹܗ ܝܲܥܩܘܿܒ̣ ܕܐܝܼܬ ܗَܘܵܐ ܕܲܚܠܵܐ ܓܵܘ ܡܸܨܪܹܝܢ؛ ܫܘܼܕܸܪܹܗ ܠܐܲܒ̣ܵـ̈ـܗܵܬܲܢ ܩܵܕَܡܵܝܬܵܐ. 13ܘܟܲܕ ܐَܙܹܠܗَܘܿܢ ܠܓܵܗܵܐ ܕܬܲܪ̈ܬܹܝܢَ ܡܘܼܕܸܥܝܵܠܹܗ ܝܵܘܣܸܦ ܓܵܢܹܗ ܠܐܲܚܘܿܢܘܵܬܘܼ̈ܗܝ؛ ܘܦܸܫܠܵܗ̇ ܝܕܥܝܼܬܵܐ ܠܦܸܪܥܘܿܢ ܐܘܼܓ̰ܵܓܹܗ ܕܝܵܘܣܸܦ. 14ܘܫܘܼܕܸܪܹܗ ܝܵܘܣܸܦ ܘܩܪܹܐܠܹܗ ܠܒܵܒܹܗ ܝܲܥܩܘܿܒ̣؛ ܘܠܟܠܵܗ̇ ܐܘܼܓ̰ܵܓܹܗ؛ ܡܸܢܝܵܢܵܝܗܝ ܝܼܗَܘܵܘ ܫܲܒ̣ܥܝܼ ܘܚܲܡܸܫ ܓܵܢܵܬܹ̈ܐ. 15ܘܨܠܹܐܠܹܗ ܝܲܥܩܘܿܒ̣ ܠܡܸܨܪܹܝܢ؛ ܘܡܝܼܬܠܹܗ ܬܵܡܵܐ؛ ܗ̇ܘ ܘܐܲܒ̣ܵـ̈ܗܵܬܲܢ. 16ܘܦܸܫܠܗَܘܿܢ ܫܘܼܢܝܹܐ ܠܫܟܹܝܡ؛ ܘܦܸܫܠܗَܘܿܢ ܡܘܼܬܒܹܐ ܓܵܘ ܩܲܒ̣ܪܵܐ ܕܙܒ̣ܝܼܢܵܐ ܗَܘܵܐ ܐܲܒ̣ܪܵܗܵܡ ܒܛܝܼܡܵܐ ܕܣܹܐܡܵܐ ܡ̣ܢ ܒܢܘܼܢܹ̈ܐ ܕܚܡܘܿܪ ܒܫܟܹܝܡ. 17ܘܟܲܕ ܩܘܼܪܒܸܢܹܗ ܙܲܒ̣ܢܵܐ ܕܩܵܘܠܵܐ ܕܝܡܹܐܠܹܗ ܐܲܠܵܗܵܐ ܠܐܲܒ̣ܪܵܗܵܡ؛ ܙܸܕܠܹܗ ܛܵܝܸܦܵܐ ܘܦܪܹܐܠܹܗ ܓܵܘ ܡܸܨܪܹܝܢ. 18ܗܲܠ ܕܩܸܡܠܹܗ ܡܲܠܟܵܐ ܐَܚܹܪَܢܵܐ ܓܵܘ ܡܸܨܪܹܝܢ؛ ܗ̇ܘ ܕܠܵܐ ܝܕܸܥܠܹܗ ܠܝܵܘܣܸܦ. 19ܘܥܒܼܸܕܠܹܗ ܠܹܐܒܵܐ ܥܲܠ ܐܘܼܓ̰ܵܓܲܢ؛ ܘܡܘܼܡܛܹܐܠܹܗ ܒܝܼܫܬܵܐ ܠܐܲܒ̣ܵـ̈ـܗܵܬܲܢ؛ ܕܪܲܦܝܼ ܝܵܠܵܕَܝ̈ܗܝ؛ ܕܠܵܐ ܚܲܝܝܼ ܗَܘܵܘ. 20ܗܲܪ ܒܗ̇ܘ ܙܲܒ̣ܢܵܐ ܦܸܫܠܹܗ ܝَܠܝܼܕܵܐ ܡܘܼܫܹܐ؛ ܘܫܲܦܝܼܪܵܐ ܗَܘܵܐ ܩܵܕَܡ ܐܲܠܵܗܵܐ؛ ܘܦܸܫܠܹܗ ܓܘܼܪܘܸܣܵܐ ܬܠܵܬَܐ ܝܲܪ̈ܚܹܐ ܓܵܘ ܒܲܝܬܵܐ ܕܒܵܒܹܗ. 21ܘܟܲܕ ܦܸܫܠܹܗ ܪܘܼܦܝܵܐ ܡ̣ܢ ܝܸܡܹܗ؛ ܩܲܡ ܚܲܙܝܵܐ ܠܹܗ ܒܪܵܬܵܐ ܕܦܸܪܥܘܿܢ؛ ܘܩܲܡ ܓܲܪܘܸܣܵܐ ܠܹܗ ܩܵܐ ܓܵܢܘܼܗ̇ ܒܪܘܼܢܵܐ. 22ܘܦܸܫܠܹܗ ܡܘܼܠܦܵܐ ܡܘܼܫܹܐ ܒܟܠܵܗ̇ ܚܸܟܼܡܬܼܵܐ ܕܡܸܨܪ̈ܵܝܹܐ؛ ܘܚܲܝܠܵܢܵܐ ܗَܘܵܐ ܒܗܹܡܸܙܡܵܢܘܼ̈ܗܝ ܘܦܘܼܠܚܵܢܘܼ̈ܗܝ. 23ܘܟܲܕ ܗܘܹܐܠܹܗ ܒܪܘܿܢܵܐ ܕܐܲܪܒܥܝܼ ܫܸܢܹ̈ܐ؛ ܐَܣܸܩܠܵܐ ܓܵܘ ܠܸܒܹܗ ܕܬܵܦܸܩ ܒܐܲܚܘܿܢܘܵܬܘܼ̈ܗܝ ܒܢܲܝ̈ ܝܼܣܪܵܝܹܠ. 24ܘܚܙܹܐ ܠܹܗ ܠܚܲܕَ ܡ̣ܢ ܒܢܲܝ̈ ܛܵܝܸܦܹܗ ܦܝܵܫܵܐ ܙܠܝܼܡܵܐ؛ ܩܸܡܠܹܗ ܠܚܵܨܹܗ ܘܫܩܸܠܹܗ ܬܘܼܥܠܹܗ ܕܗ̇ܘ ܕܦܸܫܠܹܗ ܙܠܝܼܡܵܐ؛ ܘܩܛܸܠܹܗ ܠܡܸܨܪܵܝܵܐ. 25ܘܚܫܸܒ̣ܠܹܗ ܕܒܸܬ ܦܲܪܡܝܼ ܗَܘܵܘ ܐܲܚܘܿܢܘܵܬܘܼ̈ܗܝ ܒܢܲܝ̈ ܝܑܼܣܪܵܝܹܠ ܕܐܲܠܵܗܵܐ ܒܐܝܼܕܹܗ ܒܸܬ ܝܵܗَܒܸܠ ܗَܘܵܐ ܠܗَܘܿܢ ܦܘܼܪܩܵܢܵܐ؛ ܘܠܵܐ ܦܘܼܪܡܹܠܗَܘܿܢ. 26ܘܒܝܵܘܡܵܐ ܐَܚܹܪَܢܵܐ ܦܸܫܠܹܗ ܚܸܙܝܵܐ ܐܸܠܵܝܗܝ ܟܲܕ ܡܲܩܪܘܼܨܹܐ؛ ܘܦܲܪܦܸܠ ܗَܘܵܐ ܒܝܼܵܝܗܝ ܕܫܲܢܸܢܝܼ؛ ܒܹܐܡܵܪܵܐ؛ ܓܲܒܼܪܹ̈ܐ ܐܲܚܘܿܢܘܵܬܹ̈ܐ ܝܬܘܿܢ؛ ܩܵܡܘܿܕܝܼ ܒܸܥܒ̣ܵܕܵܐ ܝܬܘܿܢ ܓܢܵܗܵܐ ܚܲܕَ ܒܗ̇ܘ ܐَܚܹܪَܢܵܐ. 27ܐܝܼܢܵܐ ܗ̇ܘ ܕܝܼܗَܘܵܐ ܒܸܥܒ̣ܵܕܵܐ ܓܢܵܗܵܐ ܒܚܲܒ̣ܪܹܗ ܚܘܼܪܙܸܦܠܹܗ ܡ̣ܢ ܠܟܸܣܠܹܗ؛ ܘܐَܡܸܪܹܗ ܐܸܠܹܗ؛ ܡܵܢܝܼ ܩܲܡ ܡܲܩܸܡ ܠܘܼܟܼ ܥܲܠܲܢ ܪܹܫܵܐ ܘܕܲܝܵܢܵܐ. 28ܒܸܒܲܥܝܵܐ ܝܘܸܬ ܠܸܩܛܵܠܝܼ؛ ܐܲܝܟܼ ܕܩܛܸܠܘܼܟܼ ܕܐَܬܸܡܵܠܝ ܠܡܸܨܪܵܝܵܐ. 29ܘܥܪܸܩܠܹܗ ܡܘܼܫܹܐ ܒܐܵܗܵܐ ܗܹܡܸܙܡܵܢ؛ ܘܗَܘܹܐܠܹܗ ܡܵܫܵܚܲܛ ܒܐܲܪܥܵܐ ܕܡܸܕܝܲܢ؛ ܗܘܹܐܠܗَܘܿܢ ܐܸܠܹܗ ܬܪܹܝܢَ ܒܢܘܼܢܹ̈ܐ. 30ܘܟܲܕ ܬܘܼܡܸܡܠܗَܘܿܢ ܬܵܡܵܐ ܐܲܪܒܥܝܼ ܫܸܢܹ̈ܐ؛ ܦܸܫܠܹܗ ܚܸܙܝܵܐ ܐܸܠܹܗ ܓܵܘ ܒܲܪܝܼܵܐ ܕܛܘܼܪܵܐ ܕܣܝܼܢܲܝ ܡܲܠܲܐܟܹܗ ܕܡܵܪܝܵܐ؛ ܒܢܘܼܪܵܐ ܕܒܸܠܗܵܝܵܐ ܒܣܲܢܝܵܐ. 31ܘܟܲܕ ܚܙܹܐ ܠܹܗ ܡܘܼܫܹܐ؛ ܥܘܼܓ̰ܸܒܠܹܗ ܒܚܸܙܘܵܐ؛ ܘܟܲܕ ܐَܬܹܐܠܹܗ ܩܘܼܪܒܵܐ ܕܚܵܙܹܐ؛ ܗَܘܹܐ ܠܹܗ ܩܵܠܵܐ ܕܡܵܪܝܵܐ. 32ܐܵܢܵܐ ܝܘܸܢ ܐܲܠܵܗܵܐ ܕܐܲܒ̣ܵܗܵܬܘܼ̈ܟ؛ ܐܲܠܵܗܹܗ ܕܐܲܒ̣ܪܵܗܵܡ ܘܕܐܝܼܣܚܵܩ ܘܕܝܲܥܩܘܒ̣ ܘܟܲܕ ܪܲܬܪܸܬ ܗَܘܵܐ ܡܘܼܫܹܐ؛ ܠܹܐ ܩܲܫܕܸܪ ܗَܘܵܐ ܠܸܚܝܵܪܵܐ ܒܚܸܙܘܵܐ. 33ܘܐَܡܸܪܹܗ ܐܸܠܹܗ ܡܵܪܝܵܐ؛ ܫܵܠܸܚ ܨܵܘܠܘܼ̈ܟܼ ܡ̣ܢ ܐܲܩܠܘܼ̈ܟܼ؛ ܣܵܒܵܒ ܕܘܼܟܵܐ ܕܒܸܟܠܵܝܵܐ ܝܘܸܬ ܥܲܠܘܼܗ̇ ܐܲܪܥܵܐ ܩܲܕܝܼܫܬܵܐ ܝَܠܵܗ̇. 34ܚܙܵܝܵܐ ܚܙܹܐܠܝܼ ܐܘܼܠܨܵܢܹܗ ܕܛܵܝܸܦܝܼ ܕܓܵܘ ܡܸܨܪܹܝܢ؛ ܘܬܵܢܲܚܝܵܬܹ̈ܗ ܫܡܸܥܠܝܼ؛ ܘܨܸܠܝܵܐ ܝܘܸܢ ܕܦܵܪܩܸܢܗَܘܿܢ؛ ܘܐܵܕܝܼܵܐ ܬܵܐ؛ ܫܵܕܪܸܢܘܿܟܼ ܠܡܸܨܪܹܝܢ. 35ܠܐܵܗܵܐ ܡܘܼܫܹܐ ܕܟܦܸܪܗَܘܿܢ ܒܝܹܗ؛ ܒܹܐܡܵܪܵܐ؛ ܡܵܢܝܼ ܩܲܡ ܡܲܩܸܡ ܠܘܼܟܼ ܥܲܠܲܢ ܪܹܫܵܐ ܘܕܲܝܵܢܵܐ؛ ܗܲܪ ܠܐܵܗܵܐ؛ ܐܲܠܵܗܵܐ ܪܹܫܵܐ ܘܦܵܪܘܿܩܵܐ ܫܘܼܕܸܪܹܗ ܐܸܠܵܝܗܝ؛ ܒܐܝܼܕܵܬܹ̈ܐ ܕܡܲܠܲܐܟ̣ܵܐ؛ ܗ̇ܘ ܕܦܸܫܠܹܗ ܚܸܙܝܵܐ ܐܸܠܹܗ ܒܣܲܢܝܵܐ. 36ܐܵܗܵܐ ܦܘܼܠܛܵܝܠܹܗ؛ ܟܲܕ ܥܒܼܸܕܠܹܗ ܢܝܼܫܲܢܩܹ̈ܐ ܘܥܵܓ̰ܸܒܘܵܬܵܐ ܒܐܲܪܥܵܐ ܕܡܸܨܪܹܝܢ؛ ܘܒܝܵܡܵܐ ܕܣܘܿܦ؛ ܘܓܵܘ ܒܲܪܝܼܵܐ؛ ܐܲܪܒܥܝܼ ܫܸܢܹ̈ܐ. 37ܐܵܗܵܐ ܝܠܹܗ ܡܘܼܫܹܐ؛ ܗ̇ܘ ܕܐَܡܸܪܹܗ ܠܒܢܲܝ̈ ܝܼܣܪܵܝܹܠ؛ ܢܒ̣ܝܼܵܐ ܒܸܬ ܡܲܩܸܡ ܠܵܘܟ̣ܘܿܢ ܐܲܠܵܗܵܐ ܡ̣ܢ ܐܲܚܘܿܢܘܵܬܵܘ̈ܟ̣ܘܿܢ ܐܲܝܟܼ ܕܝܼܝܼ. 38ܐܵܗܵܐ ܝܠܹܗ ܗ̇ܘ ܕܗَܘܹܐ ܠܹܗ ܓܵܘ ܟܢܘܼܫܬܵܐ ܓܵܘ ܒܲܪܝܼܵܐ ܥܲܡ ܡܲܠܲܐܟ̣ܵܐ؛ ܗ̇ܘ ܕܗܲܡܙܸܡ ܗَܘܵܐ ܥܲܡܹܗ ܘܥܲܡ ܐܲܒ̣ܵـ̈ـܗܵܬܲܢ ܓܵܘ ܛܘܼܪܵܐ ܕܣܝܼܢܲܝ؛ ܗ̇ܘܐ ܝܼܠܹܗ ܕܩܘܼܒܸܠܹܗ ܗܹܡܸܙܡܵܢܹ̈ܐ ܚܲܝܹ̈ܐ ܕܝܵܗَܒܸܠ ܐܸܠܲܢ. 39ܘܠܵܐ ܒܣܸܡܠܵܐ ܠܗَܘܿܢ ܠܝܼܵܗَܒ̣ܵܐ ܢܵܬܵܐ ܐܸܠܹܗ ܐܲܒ̣ܵـ̈ܗܵܬܲܢ؛ ܐܸܠܵܐ ܫܒܸܩܠܗَܘܿܢ ܐܸܠܹܗ؛ ܘܒܠܸܒܵܘܵܬܵܝ̈ܗܝ ܕܸܪܘܿܢ ܠܡܸܨܪܹܝܢ. 40ܟܲܕ ܐܵܡܪܝܼ ܠܐܲܗܪܘܿܢ؛ ܥܒ̣ܘܿܕ ܠܲܢ ܐܲܠܵܗܹ̈ܐ ܕܐܵܙܠَܝܼ ܩܵܕَܡܲܢ؛ ܒܘܼܬ ܐܵܗܵܐ ܡܘܼܫܹܐ؛ ܦܘܼܠܸܛܠܹܗ ܐܸܠܲܢ ܡ̣ܢ ܐܲܪܥܵܐ ܕܡܸܨܪܹܝܢ؛ ܠܹܐ ܝܘܲܚ ܒܝܼܕܲܥܵܐ ܡܘܼܕܝܼ ܗَܘܹܐܠܵܗ̇ ܠܹܗ. 41ܘܬܘܼܪܸܨܠܗَܘܿܢ ܡܘܼܓ̰ܵܐ ܒܐܵܢܝܼ ܝܵܘܡܵܢܹ̈ܐ؛ ܘܕܒܸܚܠܗَܘܿܢ ܕܸܒ̣ܚܹ̈ܐ ܠܗ̇ܘ ܨܵܢܲܡ؛ ܘܥܒܼܸܕܠܗَܘܿܢ ܒܘܼܣܵܡܵܐ ܒܦܘܼܠܚܵܢܵܐ ܕܐܝܼܕܵܬܵܝ̈ܗܝ. 42ܘܕܸܪܹܗ ܐܲܠܵܗܵܐ ܘܣܘܼܦܝܵܝܠܹܗ ܕܗܵܘܝܼ ܒܸܦܠܵܚܵܐ ܠܚܲܝ̈ܠܵܘܵܬܵܐ ܕܫܡܲܝܵܐ؛ ܐܲܝܟܼ ܕܝܼܠܹܗ ܟܬܝܼܒ̣ܵܐ ܒܟܬܵܒ̣ܵܐ ܕܢܒ̣̈ܝܹܐ؛ ܐܲܪܒܥܝܼ ܫܸܢܹ̈ܐ ܓܵܘ ܒܲܪܝܼܵܐ ܗܲܝܘܵܢܹ̈ܐ ܦܪ̈ܝܼܡܹܐ ܝܲܢ ܕܸܒ̣ܚܹ̈ܐ ܡܘܼܝܬܹܐܠܵܘܟ̣ܘܿܢ ܐܸܠܝܼ؛ ܝܵܐ ܒܢܲܝ̈ ܝܼܣܪܵܝܹܠ. 43ܐܸܠܵܐ ܫܩܸܠܵܘܟ̣ܘܿܢ ܡܵܫܟܢܹܗ ܕܡܲܠܟ̇ܘܿܡ؛ ܘܟܵܘܟ̣ܒܹܗ ܕܐܲܠܵܗܵܐ ܪܦܵܢ؛ ܨܘܼܪ̈ܝܵܬܹܐ ܕܥܒܸܕܠܵܘܟ̣ܘܿܢ ܕܗܵܘܝܼܬܘܿܢ ܒܸܣܓ̣ܵܕܵܐ ܐܸܠܵܝܗܝ؛ ܘܒܸܬ ܫܵܢܸܢܵܘܟ̣ܘܿܢ ܠܗ̇ܘ ܓܹܒܵܐ ܡ̣ܢ ܒܵܒܹܠ. 44ܗܵܐ ܡܵܫܟܢܵܐ ܕܣܵܗܕܘܼܬܵܐ ܗَܘܹܐ ܠܹܗ ܥܲܡ ܐܲܒ̣ܵـ̈ܗܵܬܲܢ ܓܵܘ ܒܲܪܝܼܵܐ؛ ܕܐܵܟ̣ܝܼ ܕܦܩܸܕܠܹܗ ܗ̇ܘ ܕܗܘܼܡܙܸܡܠܹܗ ܥܲܡ ܡܘܼܫܹܐ؛ ܠܬܵܪܘܿܨܹܗ ܒܕܡܘܼܬܵܐ ܕܡܘܼܚܙܹܐܠܹܗ ܐܸܠܹܗ. 45ܘܗܲܪ ܠܐܵܗܵܐ ܡܲܫܟܢܵܐ ܐܘܼܦ ܘܡܘܼܥܒܼܸܪܘܿܢ ܐܲܒ̣ܵـ̈ܗܵܬܲܢ ܥܲܡ ܝܼܫܘܿܥ ܠܐܲܪܥܵܐ ܕܝܘܼܗܒܸܠܹܗ ܐܲܠܵܗܵܐ ܐܸܠܵܝܗܝ ܩܵܐ ܪܝܵܬܼܵܐ ܡ̣ܢ ܛܵܝܸܦܹ̈ܐ؛ ܐܵܢܝܼ ܕܦܘܼܠܸܛܠܹܗ ܐܲܠܵܗܵܐ ܡ̣ܢ ܩܵܕَܡܵܝܗܝ؛ ܗܲܠ ܝܵܘܡܵܢܹ̈ܐ ܕܕܵܘܝܼܕ. 46ܗ̇ܘ ܕܡܘܼܫَܟ̰ܸܚܠܹܗ ܪ̈ܲܚܡܹܐ ܩܵܕَܡ ܐܲܠܵܗܵܐ؛ ܘܛܠܸܒܠܹܗ ܕܡܵܫَܟ̰ܸܚ ܗَܘܵܐ ܡܵܫܟܢܵܐ ܠܐܲܠܵܗܹܗ ܕܝܲܥܩܘܿܒ̣. 47ܐܝܼܢܵܐ ܫܠܹܝܡܘܿܢ ܒܢܹܐܠܹܗ ܐܸܠܹܗ ܒܲܝܬܵܐ. 48ܘܪܵܡܵܐ ܠܵܐ ܫܪܹܐܠܹܗ ܒܦܘܼܠܚܵܢܵܐ ܕܐܝܼܕܵܬܹ̈ܐ؛ ܐܲܝܟܼ ܕܐَܡܝܼܪܹܗ ܢܒ̣ܝܼܵܐ. 49ܕܫܡܲܝܵܐ ܟܘܼܪܣܝܼ ܝَܠܵܗ̇؛ ܘܐܲܪܥܵܐ ܟܘܼܒ̣ܫܵܐ ܕܬܚܘܿܬ ܐܲܩܠܵܬܝܼ̈؛ ܐܲܝܢܝܼ ܝܠܹܗ ܒܲܝܬܵܐ ܕܒܵܢܝܼܬܘܿܢ ܠܝܼ؛ ܒܹܐܡܵܪܵܐ ܝܠܹܗ ܡܵܪܝܵܐ؛ ܝܲܢ ܐܲܝܢܝܼ ܝَܠܵܗ̇ ܕܘܼܟܵܐ ܕܢܝܵܚܬܝܼ. 50ܠܵܐ ܗܵܐ ܐܝܼܕܵܐ ܕܝܼܝܼ ܥܒܼܸܕܠܵܗ̇ ܐܲܢܹܐ ܟܠܵܝܗܝ؛ 51ܝܵܐ ܩܕܵܠܵܝܗܝ ܩܸܫܬܵܐ؛ ܘܠܵܐ ܓܙܝܼܪܹ̈ܐ ܒܠܸܒܵܐ ܘܒܢܵܬܝܵܬܹ̈ܐ؛ ܐܲܚܬܘܿܢ ܒܟܠܹܗ ܙܲܒ̣ܢܵܐ ܕܲܪܩܘܼܒ̣ܠ ܕܪܘܼܚܵܐ ܕܩܘܼܕܫܵܐ ܒܸܩܝܵܡܵܐ ܝܬܘܿܢ؛ ܐܲܝܟܼ ܐܲܒ̣ܵܗܵܬܵܘ̈ܟ̣ܘܿܢ ܐܘܼܦ ܐܲܚܬܘܿܢ. 52ܠܐܲܝܢܝܼ ܡ̣ܢ ܢܒ̣̈ܝܹܐ ܠܵܐ ܛܪܸܕܠܗَܘܿܢ ܐܲܒ̣ܵܗܵܬܵܘ̈ܟ̣ܘܿܢ؛ ܘܩܛܸܠܗَܘܿܢ ܠܐܵܢܝܼ ܕܩܵܕَܡܵܝܬܵܐ ܗܘܼܩܹܠܗَܘܿܢ ܒܘܼܬܿ ܐَܬܵܝܬܹܗ ܕܙܲܕܝܼܩܵܐ؛ ܗ̇ܘ ܕܐܲܚܬܘܿܢ ܣܘܼܦܹܐܠܵܘܟܼܘܿܢ ܘܩܛܸܠܵܘܟܼܘܿܢ. 53ܕܩܘܼܒܸܠܵܘܟ̣ܘܿܢ ܢܵܡܘܿܣܵܐ ܒܝܲܕ ܦܘܼܩܕܵܢܵܐ ܕܡܲܠܲܐܟܹ̈ܐ؛ ܘܠܵܐ ܢܛܸܪܵܘܟ̣ܘܿܢ. 54ܘܟܲܕ ܫܡܸܥܠܗَܘܿܢ ܐܲܢܹܐ؛ ܡܠܹܐܠܵܗ̇ ܓܵܢܵܝܗܝ ܟܲܪܒܵܐ؛ ܘܚܘܼܪܚܸܟ̰ܠܗَܘܿܢ ܟܹܟܵܝ̈ܗܝ ܥܲܠܘܼܗܝ. 55ܘܗ̇ܘ ܟܲܕ ܡܸܠܝܵܐ ܪܘܼܚܵܐ ܕܩܘܼܕܫܵܐ؛ ܚܸܪܹܗ ܒܫܡܲܝܵܐ؛ ܘܚܙܹܐ ܠܹܗ ܬܸܫܒܘܿܚܬܵܐ ܕܐܲܠܵܗܵܐ؛ ܘܠܝܼܫܘܿܥ ܒܸܟܠܵܝܵܐ ܡ̣ܢ ܝܲܡܝܼܢܵܐ ܕܐܲܠܵܗܵܐ. 56ܘܐَܡܸܪܹܗ؛ ܗܵܐ؛ ܒܸܚܙܵܝܵܐ ܝܘܸܢ ܫܡܲܝܹ̈ܐ ܦܬܝܼܚܹܐ؛ ܘܠܒܪܘܼܢܹܗ ܕܐَܢܵܫܵܐ ܒܸܟܠܵܝܵܐ ܡ̣ܢ ܝܲܡܝܼܢܵܐ ܕܐܲܠܵܗܵܐ. 57ܘܡܘܼܩܘܸܚܠܗَܘܿܢ ܒܩܵܠܵܐ ܪܵܡܵܐ؛ ܘܥܟ̰ܸܡܠܗَܘܿܢ ܢܵܬܝܵܬܵܝ̈ܗܝ؛ ܘܨܦܝܼܚܠܗَܘܿܢ ܥܲܠܹܗ ܟܠܵܝܗܝ. 58ܕܒܼܝܼܩܠܗَܘܿܢ ܘܦܘܼܠܸܛܠܗَܘܿܢ ܐܸܠܹܗ ܠܒܲܕܲܪ ܡ̣ܢ ܡܕܝܼܢَܬܵܐ ܘܪܲܓ̰ܡܝܼ ܗَܘܵܐ ܠܹܗ. ܘܐܵܢܝܼ ܕܣܗܸܕܠܗَܘܿܢ ܥܲܠܹܗ ܡܘܼܬܸܒ̣ܠܗَܘܿܢ ܓ̰ܘܼܠܵܝ̈ܗܝ ܠܟܸܣ ܐܲܩܠܵܬܹ̈ܐ ܕܚܲܕَ ܓ̰ܘܲܢܩܵܐ ܕܦܵܝܸܫ ܗَܘܵܐ ܩܸܪܝܵܐ ܫܵܐܘܿܠ. 59ܘܪܲܓ̰ܡܝܼ ܗَܘܵܐ ܠܹܗ ܠܐܸܣܛܲܦܵܢܘܿܣ؛ ܟܲܕ ܡܨܲܠܘܿܝܹܐ ܘܒܹܐܡܵܪܵܐ؛ ܡܵܪܲܢ ܝܼܫܘܿܥ؛ ܩܵܒܸ̇ܠ ܪܘܼܚܝܼ. 60ܘܟܲܕ ܒܪܸܟܠܹܗ؛ ܡܘܼܩܘܸܚܠܹܗ ܒܩܵܠܵܐ ܪܵܡܵܐ؛ ܡܵܪܲܢ؛ ܠܵܐ ܕܵܒ̣ܩܸܬ ܐܸܠܵܝܗܝ ܐܵܗܵܐ ܚܛܝܼܬܵܐ. ܘܟܲܕ ܐَܡܝܼܪܹܗ ܐܵܗܵܐ؛ ܕܕܡܸܟܼܠܹܗ. ܐܝܼܢܵܐ ܫܵܐܘܿܠ ܒܵܣܡܵܐ ܗَܘܵܐܠܹܗ ܘܡܫܲܪܸܟ ܗَܘܵܐ ܒܩܸܛܠܹܗ.